Ang Mensahe ng Butil ng Kape ( Repleksyon )

Mensahe ng Butil ng Kape

The Story of a Carrot, Egg, and a Coffee Bean

(Isinalin sa Filipino ni Willita A. Enrijo)

Repleksyon

   Sa ating mundong ginagalawan may tatlong klase na katangian ng tao kung paano haharapin ang mga pagsubok. Tulad sa kwento ang carrot ay sa una lang matigas pero pagkatapos pakuluan ay naging malambot, kung ihahambing natin sa reylidad ilan sa ating kapwa ay tinatawag na "Lingas-kugon"  sa una lang magaling o malakas ngunit sa pagdating ng mga pagsubok at sakuna ay nagiging mahina. Pangalawang klase ay tulad ng itlog na pinakuluan sa tubig iba sa ating kapwa natin ay nagiging matigas ang puso dahil  sa mga kapwa na umabaso sa kabaitan at sa mga hamon sa kanyang buhay. Ang huling klase ng katangian ng tao ay tulad ng kape na maging matatag sa hamon ng buhay upang maging matagumpay sa buhay at maging inspirasyon sa kapwa nito. Sa bawat pagsubok sa ating buhay kailangan nating magtiwala sa ating sarili lalo na sa ating mahal na Diyos. At sa bawat pagsubok sa ating buhay, ito ang nagiging dahilan kung bakit tayo nagiging matatag at ito ang humuhubog sa atin upang maging mabuti at matatag subukin man panahon.

Ang Mensahe ng Butil ng Kape

Mensahe ng Butil ng Kape

The Story of a Carrot, Egg, and a Coffee Bean

(Isinalin sa Filipino ni Willita A. Enrijo)

Buod

 Isang araw may mag-ama na nagsasak sa bukid. Narinig ng ama ang kanyang anak na nagrereklamo at naghihimutok sa hirap at buhay at pagsubok. Tinawag ng ama ang kanyang anak at tahimik silang umuwi. Pagdating sa bahay nagsalang agad ang ama ng tatlong palayok na may tubig at hinintay itong kumulo. Pagkatapos kumulo mg tubig ay nilagyan niya ng magkaka-ibang bagay. Sa unang palayok inilagay niya ang karot, itlog sa pangalawag palayok at butil ng kape sa pangatlong palayok. At itinanung ng ama sa kanyang anak kung ano ang mangyayari sa tatlong bagay na inilagay sa palayok, at sa sagot ng kanyang anak ay simpleng MALULUTO. Pagkalipas ng 20 minuto inalis ng ama ang baga at pinalapit niya ang kanyang anak. At isa-isa itong sinuri. Nabatid ng anak na ang karot sa unang palayok na dating matigas at waring hindi matitinag ay naging malambot, ang itlog na noong una ay may maputing balat na nagpoprotekta sa likido sa loob ay naging matigas at ang mga butil ng kape ay humalo at nagbigay kulay sa tubig. Ipinaliwanag ng ama kung ano ang ibig ipakahulugan ng mga ito sa buhay ng tao. Aniya, ang kumukulong tubig ay nagpapahiwatig ng mga pagsubok sa buhay. Ipnaliwanag niya sa anak na ang tatlong bagay ay maihahalintulad sa ugali ng tao sa panahon ng mga pagsubok. Ang karot ay nagpapahayag ng kahinaan matapos ang mga pagsubok, ang itlog ay sumasalamin sa mga taong naging matigas ang damdamin dahil sa mga hamon sa buhay at ang kape ay ang mga taong naging matibay sa oras ng pagsubok at syang naging dahilan sa pagbabago sa kanyang kapaligiran. Pinapili ng ama kung alin ang kanyang anak sa tatlo at pinili ng anak ang butil ng kape at sinabing ito ay tulad ng kanyang ama.